ICOMAren 120. urteurrena
Arabako Medikuen Elkargo Ofizialak 120 urte baino gehiagoko historia du. 1898an hasi zen, eta gaur arte ondare garrantzitsua uzten du Arabako gizartearen ongizaterako.
Hori dela eta, 2018ko azarotik 2019ko azarora bitartean hainbat ekitaldi eta ekimen antolatu genituen efemeride hori ospatzeko eta erakundea balioesteko.
Azaroaren 14an, Artium Museoan, Arabako Medikuen Elkargo Ofizialak Arabako Foru Aldundiaren saririk garrantzitsuena jaso zuen: Arabako Domina. Sari horren bidez, Elkargoak ehun urte hauetan egindako lan goresgarria eta emankorra aitortu nahi izan ditu, Arabako Lurralde Historikoaren profesionaltasun eta deontologia medikoak bermatze aldera.
Elkargoaren izenean Kepa Urigoitia lehendakaria eta zuzendaritza-batzordea bertaratu ziren, eta Ramiro Gonzalez diputatu nagusiaren eskutik jaso zuten Arabako Domina, Gasteizko eremu eta sektore sozial guztietako 400 ordezkari baino gehiago bildu zituen ekitaldi nagusian.
120 urte hauetako Arabako Medikuen Elkargo Ofizialeko zuzendaritza-batzordeko kide ohiak ere han izan ziren.
2019ko urrian, Arabako Medikuen Elkargo Ofizialak ekitaldi bikoitza antolatu zuen. Goiz partean, zuzendaritza-batzordeak egoitza berria inauguratu zuen. Aurkezpenean, ohorezko aurreskua dantzatu zen, eta ekitaldira bertaratu zirenek eraikin berria lehen aldiz ikusteko aukera izan zuten. Gonbidatuen artean tokiko, probintziako, autonomiako eta elkargoko agintariak eta hainbat kolaboratzaile zeuden. Elkargoko profesionalak ere ezin ziren hitzordura falta.
Arratsaldean, berriz, antzinako material medikoaren behin betiko erakusketa inauguratu zen. Arabako Medikuen Elkargo Ofizialeko elkargokideak soilik zeuden gonbidatuta.
Egun bertan, Arabako Medikuen Elkargo Ofizialak antzinako material medikoarekin erakusketa bat inauguratu zuen haren urteurrena ospatu eta instalazio berrien ate-irekitzea egiteko. Hainbat tresnen artean, garai bateko urologiako ohatilak, tresna ginekologikoak eta oftalmologikoak eta 1850eko anatomia-modeloak ikus zitezkeen.
Efemeride horren oroitzapenezko ekitaldi nagusietako bat izan zen hitzaldi-ziklo bat egitea, herritarrekin 120. urteurrena ospatzeko eta elkargoko erakundea publiko orokorrari hurbiltzeko. Asteazkenetan, urritik azarora bitartean, hiru astez egin ziren saioak, eta sarrera doakoa izan zen. Hainbat gai jorratu ziren, publiko eta talde desberdinei zuzenduak, baina guztiak herritarrentzat irekiak.
Dr. Leonardo Casais: “El mal de amores”
Cádizko Medikuntza Fakultateko Psikiatriako irakasle titularrak, Leonardo Casaisek, ibilbide historiko atsegina egin zuen gaixotasunari eta haren erremedio bitxiei buruz; aztertu zuen ea sentimendu-haustura bati dagokion amore ematea normala den, baita osasun mentala adierazten duena ere, eta noiz bihurtzen den arazo bat; eta, era berean, aztertu zituen maitasun irotikoak eragiten dituen hainbat patologia
Edurne Pasaban: “Expedición al éxito: alcanzando objetivos y superando las dificultades”.
Edurne Pasaban alpinista izan zen bigarren hitzaldiaren protagonista urriaren 30ean, 200 bat lagun bildu zituen Europako Kongresu Jauregian. Ekitaldia bereziki pazienteen eta haien senideen elkarteei zuzenduta zegoen eta herritar guztiei irekita.
Bertaratuek bertatik bertara entzun ahal izan zituzten munduko lehen emakumeak planetako 14 mendi altuenak eskalatzen izandako esperientziak. Gaitz depresibo bat gainditzeko orduan izandako esperientziaz hitz egin zuen. Pasabanek agerian jarri zuen arrakastara iristeko giltzarri gisa norberarengan konfiantza izatea eta norberaren aukeretan sinestea.
Ricardo de Lorenzo: “La relación médico paciente, una nueva cultura”
ICOMAREN 120. urteurreneko hitzaldi-zikloak azken hitzaldia eman zuen azaroaren 6an. Kasu honetan, ICOMeko ekitaldi-aretoan egindako ekitaldi batean, “Gaixoaren eta beste kultura baten arteko harreman medikoa” izan zen gaia. Hizlariak, Espainiako Osasun Zuzenbideko Elkarteko lehendakariak, hitzaldia eman zuen osasun arloko profesionalentzat, eta interesa zuten herritarrek ere parte hartu ahal izan zuten.
Azaroaren 22an, Arabako Medikuen Elkargo Ofizialaren urteroko festa egin zen. Gasteizko Europa Biltzar Jauregian 400 gonbidatu inguru bildu ziren, 120. urteurreneko ekitaldiei amaiera bikaina emanez.
Ekitaldian, Arabako Medikuen Elkargo Ofizialaren Proiektu Solidarioari Saria banatu zen, eta 25 urteko elkargokidetzeari ohorezko aitorpena egin zitzaion.
Arabako Medikuen Elkargo Ofizialaren historian lehenbiziko aldiz, haren saririk garrantzitsuena, urrezko domina, birritan banatu zen: Osakide-tzako Larrialdi Zerbitzuari bata eta Alfonso Alonso osasun-ministro ohiari bestea, C hepatitisari aurre egiteko hartutako neurriengatik.
Arabako Medikuen Elkargo Ofizialak antzinako material medikoarekin erakusketa bat inauguratu zuen haren urteurrena ospatu eta instalazio berrien ate-irekitzea egiteko. Hainbat tresnen artean, garai bateko urologiako ohatilak, tresna gine-kologikoak eta oftalmologikoak eta 1850eko anatomia-modeloak ikus zitezkeen.
El Correo egunka-riak Arabako Medikuen Elkargo Ofizialari eman zion “Iraileko arabarra” Saria, urte hauetan guztietan herritarren osasuna hobe-tzeko egindako lanarengatik.