Osasun ziurtagiriaren inprimakiak
Osasun-ziurtagiria sendagileak igortzen duen agiri bat da, gaixoaren osasunari, gaixotasunari eta jasotako laguntzari buruz informatzeko.
Osasun-ziurtagiria Kontseilu Nagusiaren inprimaki ofizialean igorri behar da eta sendagileen elkargoek banatzen dute.
Igorpeneko tokia:
Sendagileen elkargoek banatzen dituzten osasun-ziurtagiri ofizialen inprimakiak. Beraz, Arabako Sendagileen Elkargo Ofizialean eskura daitezke, eta, abenduaz geroztik, baita farmazietan ere, 2016ko abenduan Arabako Sendagaigileen Elkargo Ofizialarekin sinatutako lankidetza-hitzarmenari esker.
Estankoetan ez dituzte saltzen.
Prezioa: 3,63
Osasun-ziurtagirien gakoak
- Gaixoak bere osasun-egoeraren ziurtagiria jasotzeko eskubide legala du, eta, beraz, sendagilearen obligazioa da ziurtagiria igortzea.
- Osasun-ziurtagiria Espainiako Sendagileen Elkargoen Kontseilu Nagusiaren inprimaki ofizialean igorri behar da.
- Osasun-ziurtagiriak Espainiako Sendagileen Elkargoen Kontseilu Nagusiak argitaratutako eta Sendagileen Elkargo Ofizialek banatutako agiri pribatuak dira.
- Osasun-ziurtagiria gaixoak, hark idatziz baimendutako pertsonak edo lege-ordezkariak eskatuta igorriko da beti.
- Sendagileak ez du ziurtagiririk igorriko baldin eta horretarako gaitasunik ez badu edo egiaztapeneko datuak edo ebidentziak falta bazaizkio.
- Osasun-ziurtagiria lanbide-erantzukizunei lotua dago. Osasun-ziurtagiri batek zehaztasunik ezean edo gezurra esaten duenean ondorioak izan ditzake: erantzukizun penala, zigor-kodearen 397. artikuluan jasotakoa betez, eta erantzukizun zibila, kaltea konpontzeko obligazioa berekin dakarrena. Etika eta Deontologia Medikoko Kodearen 11. artikulua ez betetzea arau-hauste deontologikoa da, eta zehapena ezar daiteke Sendagileen Elkargoko Estatutuetan jasotakoaren arabera.
- Osasun-ziurtagiriak unean uneko osasun-egoerari buruz fede ematen du, eta horrela geratzen da jasota agiriaren eskaera- eta igorpen-datetan.
- Aintzat hartuta egitate frogatua dela, etikoki zein legalki konplazentziako osasun-ziurtagiriak igortzea debekatuta dago.
- Osasun-ziurtagiria gaixoari edo hark baimendutako pertsonari edo legez eskaera egin duenari baino ez zaio eman behar.
- Sendagileak doan ematen ditu osasun-ziurtagiriak. Beraz, arlo pribatuan osasun-azterketak egiteagatik bakarrik jasoko dute ordainsaria. Zentro publikoan eta inoren kontura diharduten sendagileek ez dute ordainsaririk jasoko, osasun-ziurtagiria osasun-prestazioaren baitan dagoelako. Aseguru Libreko Mutuetan lan egiten duten sendagileek eskatzaileak kontratatutako polizari erreparatu beharko diote.