Haurren aho-hortzen osasunari buruz kontzientziatzeko kanpaina

Arabako Sendagileen Elkargo Ofizialak eta Haginlarien Elkargoak haurren aho-hortzen osasuna jaiotzetik zazpi urtera bitartean zaintzea zeinen garrantzitsua den kontzientziatzeko eta zabaltzeko kanpaina abiarazi zuten 2019ko urtarrilean. Gainera, hortzen zainketaren beste alderdi garrantzitsu batzuk ere jorratu zituzten, hala nola biberoi eta txupeteen erabilera, elikadura eta haginlariarengana joateko jarraibideak.

Helburuak:

  • Osasun-langileei haurren aho-hortzak jaiotzetik zazpi urtera arte zaintzeko gomendioak ematea, herritarrei mezu berdina zabaldu eta kontraesanak ekiditeko.
  • Gomendioak zabaltzea, familien eta/edo zaintzaileen artean bereziki, aho-hortzen zainketa jaiotzetik sustatu eta txantxarra, maloklusioak, hozkada txarrak eta beste arazo batzuk ekiditeko.
  • Arabako Sendagileen Elkargoak eta  Haginlarien Elkargoak beren langileekin eta herritarrekin duten konpromisoa agerian jartzea. 

Ekimenaren jatorria

Gurasoek/zaintzaileek haurren aho-hortzen zainketei buruz gero eta gehiago galdetzen dute kontsultetan. Hain zuzen, bularreko umeak direnetik lehenengo hortzak agertzen zaizkien arte zein den txupeteak erabiltzeko modu zuzena eta nola ekin diezaioketen aho-hortzen garbiketari. Batzuetan, osasun-langileek jarraibide desberdinak ematen dituzte gai baten inguruan, ez baitago lanbide-elkargoak babestutako diskurtso argi eta zehatzik.

Arazoaz jabetuta, Arabako Sendagileen eta Haginlarien Elkargoek hutsune hori betetzeko diskurtso bateratua egitea erabaki zuen, osasun-langileek aukera izan dezaten gaixoei gomendio argiak eta zehatzak emateko, eta, aldi berean, adingabeen zainketaz arduratzen direnei (gurasoak, zaintzaileak, irakasleak…) haurren aho-hortzak osasuntsu mantentzeko praktika egokienei buruz informatzeko

Baliabideak

Ikus-entzunezko materiala

Minutu gutxitan ekimena laburbiltzen duen bideoa egin zen. 2018ko abenduan, berriz, Gasteizko Vesa zinema-aretoetan bideoaren bertsio murriztuagoa, apenas 30 segundoko iragarkia, bota zuten.

Zinema-aretoetarako eta sare sozialetarako iragarkia

Bideo informatibo osoa

Material grafikoa

Aho-hortzak osasuntsu mantentzeko gakoak modu erraz eta grafikoan erakusteko 10.000 triptiko elebidun eta makina bat kartel argitaratu ziren, eta denbora luzez egon ziren ikusgai zazpi urtetik beherako haurren ikastetxeetan, osasun zentroetako eta ospitaleetako pediatria-eremuetan, Arabako sarearen farmazietan eta haginlarien kontsultetan. Zentro sanitario askotan ikus daitezke oraindik ere.

Hitzaldi informatiboa

Kanpainari amaiera emateko, Arabako Sendagileen eta Haginlarien Elkargoek 2019ko urtarrilean hitzaldi informatiboa antolatu zuten, Dendaraba merkataritza-guneko Vital Fundazioa aretoan. Pediatra bat eta haginlari bat izan ziren bertan, gaiari buruzko alderdi desberdinak aztertu eta zalantzak argitzeko.